Павялічылася колькасць няшчасных выпадкаў на вытворчасці
За студзень-ліпень 2013 года ў Беларусі на прадпрыемствах і ў арганізацыях загінулі 106 чалавек.
Гэта на 14 чалавек больш, чым было ў аналагічны перыяд мінулага года.
Міністэрства працы і сацыяльнай абароны адзначае, што амаль 20% загінулых парушылі працоўную і вытворчую дысцыпліну ды інструкцыі па ахове працы. Аднак у 21,4% выпадкаў прычынай гібелі работнікаў прызналі невыкананне кіраўнікамі і спецыялістамі абавязкаў па ахове працы. Больш за 8% работнікаў загінулі з-за знаходжання ў стане алкагольнага ап'янення, наркатычнага альбо таксічнага атручвання, паведамляе "Ежедневник".
Фота — minsknews.by
