Пераможцу Мінскага паўмарафону дыскваліфікавалі за допінг
![Пераможцу Мінскага паўмарафону дыскваліфікавалі за допінг](/sites/default/files/styles/gallery_main/public/2023-08/liachovicz-1801.jpg.webp?itok=AtdktIno)
Беларускую лёгкаатлетку Людмілу Ляховіч (дзявочае прозвішча Каваленка) дыскваліфікавалі за парушэнне антыдопінгавых правілаў. Пра гэта паведамляецца на сайце Беларускай федэрацыі лёгкай атлетыкі.
Паведамляецца, што спартоўка парушыла антыдопінгавыя правілы у перыяд з 11 снежня 2010 года да 11 красавіка 2014 года (абнармальныя паказчыкі біялагічнага пашпарта).
Дыскваліфікацыю вынесла дысцыплінарная камісія БФЛА. Яна будзе дзейнічаць два гады — з 31 кастрычніка 2017 года па 30 кастрычніка 2019 года. Таксама скасоўваюцца вынікі выступаў Ляховіч за перыяд з 27 чэрвеня 2012 года па 10 красавіка 2016-га.
Дарэчы, да 2014 года Ляховіч выступала за Украіну. Прадстаўляць Беларусь яна атрымала права ў 2017 годзе. У складзе нацыянальнай зборнай яна заваявала залаты медаль у камандным заліку Кубка Еўропы ў бегу на 10 000 метраў. Таксама спартоўка была пераможцай Мінскага паўмарафона ў 2017 годзе.