Польшча аднавіла прыём дакументаў на турыстычныя візы ва ўсіх візавых цэнтрах
Польская віза / shutterstock.com / shutterstock.com
Польшча зноў пачала выдаваць турыстычныя візы. Іх выдача была прыпыненая з пачатку пандэміі кавіду.
Ужо з 4 верасня беларусы зноў могуць запісвацца на падачу дакументаў для польскай турыстычнай візы. Прымаюць заяўкі ўсе польскія візавыя цэнтры ў Беларусі. Праўда, свабодныя даты ёсць толькі праз адзін-два месяцы.
Турыстычная віза будзе каштаваць 35 еўра. Таксама спаганяецца сэрвісны збор — 11 еўра.
Максімальны тэрмін, на які можна атрымаць візу, — пяць гадоў.
