Польшча аднавіла прыём грузавікоў у Казловічах

Польскі бок аднавіў прыём грузавых аўтамабіляў з Беларусі ў пункце пропуску "Казловічы" — "Кукурыкі". Гэта пацвярджае беларускі мытны камітэт.

"Транспарт у кірунку Польшчы рухаецца, але пакуль нерытмічна. Зараз выезда з Беларусі праз пункт пропуска "Казловічы" чакаюць болей 600 транспартных сродкаў", — кажуць беларускія мытнікі.

Сёння ведамства заявіла, што Польшча а 3-яй гадзіне ночы перастала прымаць грузавікі ў Казловічах. Польская мытня адказала, што блакады пераходу няма, а затрымкі ў афармленні звязаныя з кантролем тавараў праз санкцыі.

З санкцыямі таксама звязаныя абмежаванні на ўвоз у Беларусь вялікага с спісу тавараў і забарона заяжджаць у Польшчу на аўто,  калі кіроўца не з'яўляецца яго гаспадаром.