Польшча падоўжыла забарону на чыгуначныя пасажырскія перавозкі ў Беларусь

18/04/2023 - 06:53

Польшча не аднаўляе пасажырскія перавозкі з Беларусі / 1prof.by

Польшча не аднаўляе пасажырскія перавозкі з Беларусі / 1prof.by

Польшча падоўжыла забарону на чыгуначныя пасажырскія перавозкі ў Беларусь да 30 красавіка, паведамляе тг-канал "Позірк".

Каментуючы гэтае рашэнне, прэс-сакратар Міністэрства інфраструктуры Шыман Гупціс папярэдзіў: "Мы пакуль не ведаем, ці прыме міністэрства разам з урадам рашэнне пра яшчэ адно падаўжэнне".

Польскае міністэрства паведаміла, што ў чыгуначным раскладзе, які дзейнічае да сярэдзіны снежня 2023 года, не будзе рэйсаў у Гродна, Брэст, Мінск ды іншыя гарады Беларусі.

Чыгуначныя пасажырскія перавозкі з Польшчы ў Беларусь былі прыпыненыя з сакавіка 2020 года праз пандэмію COVID-19.

У сярэдзіне 2021-га ў краінах ЕС пасажырскія перавозкі чыгункай аднавіліся. Цягнікі з Беларусі дагэтуль ходзяць толькі ў Расію.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.