Польшча патлумачыла, з чым звязана забарона ўвозіць аўтамабілі ў Беларусь
На польска-беларускай мяжы (ілюстрацыйнае фота) / PAP
Польшча патлумачыла, з чым звязана забарона ўвозіць аўтамабілі ў Беларусь. З 23 сакавіка праз мяжу перасталі прапускаць транспарт на транзітных нумарах з аб'ёмам рухавіка больш за 1,9 літра. У Міністэрстве фінансаў Польшчы @dw_belarus патлумачылі, што гэтая мера звязана з практыкай абыходу санкцый праз нашу краіну (у гэтым плане РБ разглядаецца як "краіна высокай рызыкі"). Яна прадыктавана рэгламентам Еўрасаюза, які забараняе "свядомы і наўмысны ўдзел" у такой дзейнасці.
Што да абмежаванняў, якія тычацца менавіта аўтамабіляў з рухавіком больш за 1,9 літра, польскія ўлады тлумачэнняў не далі.
У канцы сакавіка перастала прапускаць у Беларусь аўтамабілі на транзітных нумарах з рухавіком больш за 1,9 літра і даражэй за 50 тысяч еўра Літва, а перад ёй гэта зрабіла Латвія.
