Пракурор просіць для Цімы Беларускіх два гады "хатняй хіміі"

Дзяржабвінаваўца запрасіў для Цімы Беларускіх два гады “хатняй хіміі”. Для Антона Крывецкага пракурор папрасіў два з паловай гады "хатняй хіміі". Таксама ён прапанаваў вызваліць Крывецкага з-пад варты ў зале суда.

“Рэчыва канфіскаваць ў даход дзяржавы”, — прапанаваў дзяржабвінаваўца.

Спевака Ціму Беларускіх (Марозава) і яго таварыша Антона Крывецкага судзяць за незаконнае абарачэнне наркотыкаў. Хлопцаў злавілі з наркотыкамі ў адным з камп'ютарных клубаў у студзені 2021-га. 

Да суда Крывецкі быў пад вартай. А Ціму Беларускіх адпусцілі пад заклад у 8700 рублёў (300 базавых велічыняў).

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.