Прасталупаў: Крэдыты на куплю жылля амаль не ўплывалі на рынак

Такім чынам, зараз ніводзін беларускі дзяржаўны банк не выдае такіх крэдытаў. Дырэктар цэнтра нерухомасці “БелЦТН” Мікалай Прасталупаў у каментары Еўрарадыё адзначыў, што апошнім часам такія крэдыты бралі хіба што адзінкі беларусаў.

Прасталупаў: "На другасным рынку жылля крэдыты пад 40-50% грамадзяне практычна не бралі. Былі разавыя выпадкі недзе ў рэгіёнах. Іх часцей выкарыстоўвалі для нейкіх іншых мэтаў, відаць. Недзе ў памерах 10-15 тысяч долараў ЗША і на кароткі час. Яны не ўплывалі значна на рынак нерухомасці. Пад такія адсоткі людзі іх практычна не бралі".

Эксперт адзначае, што такая сітуацыя склалася толькі апошнім часам. Бо яшчэ 4-5 гадоў таму крэдыты выдаваліся пад 14-18% гадавых, то такія крэдыты выкарыстоўвалі 40-50% грамадзян, кажа Прасталупаў.

Фота — Fotolia