Прэм'еры Беларусі і Расіі абмеркавалі гандлёва-эканамічныя адносіны
Прэм'еры Беларусі і Расіі абмеркавалі гандлёва-эканамічныя адносіны. Тэлефонная размова Андрэя Кабякова і Дзмітрыя Мядзведзева адбылася 17 лютага. Яны гаварылі таксама пра графік будучых кантактаў, абмяняліся меркаваннямі наконт інтэграцыйнага ўзаемадзеяння ў рамках саюзнай дзяржавы і Еўразійскага эканамічнага саюзу, інфармуе прэс-служба расійскага ўраду.
Нагадаем, нядаўна Аляксандр Лукашэнка па выніках сустрэчы з Уладзімірам Пуціным заявіў, што Расія падтрымае беларускую эканоміку. Магчыма, што прэм'ер-міністры гаварылі пра дэталі гэтай падтрымкі.
Здымак з архіву. Фота: БЕЛТА
