Расійскія выратавальнікі вывезлі з Сірыі 5 беларусаў
Самалёт МНС Расіі прыляцеў з Латакіі ў аэрапорт Дамадзедава.
Агулам было вывезена 70 чалавек, сярод іх 28 жанчын і 20 дзяцей. Акрамя 5 беларусаў былі 52 грамадзяніны Расіі, 8 — Украіны, 3 — Узбекістана. Таксама прыляцелі і два сірыйца, паведамляе "Интерфакс-Запад".
Нагадаем, у Сірыі з вясны 2011-га працягваецца грамадзянская вайна, яе ахвярамі сталі больш за 100 тысяч чалавек. Пасля нядаўняй хімічнай атакі ў прагарадах Дамаска ЗША ўсклалі адказнасць за яе на ўлады Сірыі і збіраюцца правесці атаку на гэтую краіну.
Фота — ria.ru
