Расследаванне справы пра збіццё лекара-сірыйца ў электрычцы завершанае
Справа пра збіццё сірыйца ў электрычцы Орша-Мінск перададзеная пракурору Беларускай транспартнай пракуратуры для накіравання ў суд.
Пра гэта паведамляе сайт charter97.org са спасылкай на афіцыйнага прадстаўніка Следчага камітэта Аляксандра Герасімава.
Як паведамляла Еўрарадыё, 6 ліпеня ў электрычцы малады чалавек з шумнай кампаніі збіў сірыйца. Як выявілася пазней, збіты быў клінічным ардынатарам адной з лякарняў Мінску.
Расследаванне справы завершанае 3 верасня. Затрыманага юнака вінавацяць у хуліганстве, якое суправаджаецца грубым парушэннем грамадскага парадку і ўжываннем гвалту да пацярпелага. Максімальнае пакаранне, якое яму пагражае, — пазбаўленне волі да двух гадоў.
