Развітанне з журналістам Андрэем Александровічам пройдзе 1 сакавіка ў Варшаве
Андрэй Александровіч / Еўрарадыё
Грамадзянская паніхіда і развітанне з галоўным рэдактарам выдання "Беларусы і рынак" Андрэем Александровічам пройдзе 1 сакавіка ў Варшаве.
Цырымонія развітання пачнецца ў 16:00 па адрасе: Ul. Fosa 19A, 02-768 Warszawa (przy kosciole św. Katarzyny) / вул. Фоса, 19 а (пры касцёле святой Катажыны).
Андрэй Александровіч кіраваў выданнем "Беларусы і рынак" з 2019 года. Яму было толькі 49 гадоў.
Пра яго раптоўную смерць стала вядома 25 лютага. Прычынай называюць хваробу падстраўнікавай залозы.
У снежні 2022 года Мінінфармацыі зачыніла газету "Беларусы і рынак". Перад гэтым яе супрацоўнікаў выклікалі на допыты ў КДБ. Дырэктар выдання Канстанцін Залатых асуджаны на 4 гады калоніі і прызнаны палітвязнем.
