Іспанія і Францыя згулялі ўнічыю 1:1 (відэа галоў, табліца)
На 25-й хвіліне лік адкрыў Серхіа Рамас, на 4-й дададзенай хвіліне Аліўе Жыру ўзнавіў раўнавагу.
Сапернікі зборнай Беларусі па адборачным цыкле чэмпіяната свету 2014 года разыйшліся нічыёй. Вынік па гульні: іспанцы, як заўжды, імкнуліся кантраляваць гульню, але французы годна супрацьстаялі ім. І зладзілі сапраўдны штурм варотаў Ікера Касільяса пры канцы гульні.
Серхіа Рамас, выйшаў у стартавым складзе іспанцаў, нягледзячы на траўму, атрыманую ў матчы са зборнай Беларусі. Гол у яго атрымаўся кур’ёзны. Спачатку пасля падачы ўглавога ён прабіў галавой у штангу і ўжо было схапіўся за гэтую самую галаву. Але іспанцы падхапілі мяч, і пасля прастрэла ён адскочыў дакладна на нагу Рамасу, які не зрабіў пасля недакладнага ўдара і аднаго кроку.
Французы доўга шукалі сваю гульню і пад канец другога тайма здолелі прыціснуць чэмпіёнаў свету да іх варотаў. За 5 хвілінаў да заканчэння гульні Карым Бензема атрымаў траўму, і трэнер французаў Дзідзье Дэшам замяніў яго на Аліўе Жыру.
Французы працягвалі безвынікова атакаваць. Арбітр дадаў да асноўнага часу гульні 3 хвіліны. І ўжо крыху па-за гэтым часам, падчас апошняй атакі зборнай Францыі Жыру зраўняў лік выдатным ударам галавой.
Становішча ў групе:
|
Каманда |
Гульні |
Ачкі |
|
Францыя |
3 |
7 |
|
Іспанія |
3 |
7 |
|
Грузія |
4 |
4 |
|
Беларусь |
4 |
3 |
|
Фінляндыя |
2 |
1 |
