Каля Брэста забаранілі пасвіць гусей, спасылаючыся на расійскі дакумент
У адной з вёсак Брэсцкага раёна мясцовыя аграрныя начальнікі разагналі гусей на пашы для кароў.
Рэч у тым, што мясцовы сельсавет выдаў “забарону выпасу свойскай птушкі на землях агульнага карыстання”. Чыноўнікі спаслаліся на адпаведны дакумент Мінздароўя Рэспублікі Беларусь па прафілактыцы высокапатагеннага грыпа.
Але беларускае міністэрства такога дакумента не прымала, затое ён ёсць у рэестры Міністэрства аховы здароўя Расійскай Федэрацыі. А Галоўны ветэрынарны лекар Брэста засведчыў: такі грып разносяць качкі, а не гусі.
