Хворага на сухоты Валерыя Ганчарэнку забралі ў міліцыю
Прыхільнік Беларускай Хрысціянскай Дэмакратыі Валерый Ганчарэнка яшчэ 12 снежня абвясціў галадоўку.
Ён знаходзіцца ў Багушоўскім туберкулёзным шпіталі, што на Віцебшчыне. Але сёння да яго прыйшлі міліцыянты і затрымалі хворага прыкладна а 16.00. Прычыны затрымання невядомыя. Паводле суседа Ганчарэнкі па палаце, медперсанал ніяк на гэта не адрэагаваў, як, у прынцыпе, і на саму галадоўку.
Нагадаем, што хворы на адкрытую форму туберкулёзу інвалід другой групы Валерый Ганчарэнка пратэстуе галадоўкай супраць таго, што не можа атрымаць годнага лекавання, інфармуе прэс-служба БХД.
