Прэзідэнт Латвіі спадзяецца, што санкцыі супраць Мінску будуць нядоўгімі
Пра гэта Андрыс Берзіньш заявіў у інтэрв'ю "Латвійскаму радыё — 4".
Па словах латвійскага прэзідэнта, у апошні час супрацоўніцтва паміж нашымі краінам стабільна паляпшаецца. Так, падчас нядаўняга візіту ў ДЗвінск (Даўгаўпілс) Берзіньш пераканаўся ў тым, наколькі інтэнсіўна вядзецца прымежная супраца з Беларуссю.
Ён адзначыў, што санкцыі супраць Беларусі могуць мець кароткачасовы характар, перадае DELFI.
Нагадаем, што дзяржсакратар латвійскага МЗС Андрыс Тэйкманіс 1 сакавіка папярэдзіў, што Еўрасаюз можа ўвесці эканамічныя санкцыі супраць Беларусі. Латвійскім прадпрымальнікам варта лічыцца з такой магчымасцю.
