Сяржук Алексіевіч уцёк ад міліцыянтаў
Пра гэта брэсцкі актывіст сам паведаміў Еўрарадыё.
"Прыблізна а 14.00 мяне вельмі грубым чынам затрымалі 2 чалавекі ў цывільным і супрацоўнік міліцыі ў форме. Прычыну затрымання, канечне, не паведамілі. У пастарунку мне таксама ніхто нічога не патлумачыў, але ў гутарцы міліцыянтаў між сабой я пачуў, што пратрымаюць мінімум да вечара. Пасля 17.00 я, скарыстаўшыся момантам, уцёк адтуль", — паведаміў непаўналетні грамадскі актывіст.
Нагадаем, што Сержуку Алексіевiчу ў Ленінскім РАУСе, куды ён быў дастаўлены, не дазвалялі тэлефанаваць нават бацькам.
