У Мінску актывіста адправілі за краты за плакаты для расійскага прэзідэнта
Актывіста "Еўрапейскай Беларусі" Максіма Вінярскага асудзілі на 5 сутак арышту.
Яго затрымалі міліцыянты сёння ў Мінску падчас расклейкі плакатаў, якія, па словах Вінярскага, былі адрасаваныя прэзідэнту Расіі Уладзіміру Пуціну (31 траўня пачнецца яго афіцыйны візіт у Беларусь).
Максіма Вінярскага пасля суда завезлі ў Цэнтр ізаляцыі правапарушальнікаў на Акрэсціна, інфармуе сайт spring96.org.
На здымку: Затрыманне Максіма Вінярскага ў Мінску падчас акцыі салідарнасці, кастрычнік 2011 года. Фота — bymedia.net
