Рэйтынгавае агенцтва S&P не стала аб'яўляць Беларусі дэфолт

Міжнароднае рэйтынгавае агенцтва S&P Global Ratings не зменшыла рэйтынгу Беларусі з-за спробы Мінска правесці выплаты па еўрааблігацыях беларускімі рублямі, піша Deutsche Welle са спасылкай на прэс-службу S&P.

Такую заява агенцтва зрабіла неўзабаве пасля таго, як Беларусь правяла аплату па еўрааблігацыях Belarus-27 у нацыянальнай валюце.

"Мы разумеем, што ўлады цяпер шукаюць спосабы ажыццяўлення выплат па аблігацыях у амерыканскіх далярах <> з выкарыстаннем альтэрнатыўных спосабаў аплаты", — адзначылі ў агенцтве.

Калі Беларусь адразалі ад міжнародных фінансавых рынкаў, Аляксандр Лукашэнка падпісаў указ, якім дазваляў плаціць па замежных запазычанасцях у нацыянальнай валюце. А ў тлумачэнні на сайце Міністэрства фінансаў Беларусі было сказана, што закон уводзіцца дзеля падвышэнне ўнутранай устойлівасці эканомікі ва ўмовах "беспрэцэдэнтнага санкцыйнага ціску".

У наступны раз агенцтва  S&P апублікуе рэйтынг Беларусь 16 верасня.
 

Так быў дэфолт ці не было?

Заява агенцтва выйшла на наступны дзень пасля таго, як іншае рэйтынгавае агенцтва Moody’s абвясціла, што ў Беларусі адбыўся дэфолт. Гаворка ішла хутчэй пра сімвалічны дэфолт, калі Беларусь хоча заплаціць па пазыках, але спроба вырабіць выплаты па еўрааблігацыях беларускімі рублямі агенцтвам Moody's залічана не была.

У Міністэрстве фінансаў заявілі, што дзеянні Moody’s былі “незапытанымі”, бо Беларусь ўжо некалькі гадоў не працуе з гэтым агенцтвам.

“Па нашай думцы, у ацэнках ёсць выразнае і прадказальнае прытрымліванне агенцтва генеральнай лініі па абгульванні дэфолту”, — заявілі ў Мінфіне.

Некалькі месяцаў таму яшчэ адно рэйтынгавае агенцтва Fitch папярэджвала, што спроба Беларусі плаціць па еўрааблігацыях у нацыянальнай валюце будзе расцэнена як дэфолт. Аднак Fitch пакуль не рабіла афіцыйнай заявы пасля таго, як Беларусь провеля плата па еўрааблігацыях Belarus-27 у нацыянальнай валюце.