Шматхадоўка: ці паедзе Прыгожын у Беларусь адзін, без ансамбля — эфір з Самусем

Не дайшоўшы да мэты свайго “паходу на Маскву па справядлівасць” 200 кіламетраў, Прыгожын завярнуў свае вайсковыя калоны і скіраваў іх у палявыя лагеры. Сам пры гэтым, калі верыць прэс-службам мінскага і крамлёўскага дыктатараў, “пойдзе ў Беларусь”. Абяцаны блокбастар скончыўся як правальны саўгасны вестэрн. Ці не скончыўся?

Ці паўплывалі падзеі “прыгожынскага мяцяжу” на сітуацыю на фронце і якім чынам? Якія высновы варта зрабіць аналітыкам з таго паходу на Маскву? Калі Прыгожын сапраўды апынецца ў Беларусі, то будзе ён адзін ці са сваім “ансамблем” і для каго будзе ўяўляць небяспеку — для Украіны ці для Лукашэнкі? На гэтыя ды іншыя пытанні ў жывым эфіры Еўрарадыё адказвае намеснік дырэктара ўкраінскага Цэнтра даследавання войска, канверсіі і раззбраення Міхаіл Самусь.