Што ў навагоднюю ноч пажадае беларусам новы прэзідэнт?
Някляеў у Новы год пазычыць усім дыхаць на ўсе грудзі свабодай, Глушакоў — шмат не піць, Раманчук — усім уключацца ў правядзенне рэформаў, Кастусёў раскажа тэзісы сваёй новай палітыкі, Саннікаў — павіншуе з новай краінай, а Цярэшчанка нагадае, што праца — гэта галоўнае. Прэзідэнцкія выбары завершацца напярэдадні навагодніх святаў. Еўрарадыё апытала прэтэндэнтаў у прэзідэнты і даведалася, што яны ў выпадку свайго абрання скажуць беларусам з тэлеэкрана пад звон келіхаў.
Лідар кампаніі “Гавары праўду!” Уладзімір Някляеў кажа, што надоўга адцягваць увагу людзей ад святочнага стала не будзе. І прамова яго абмяжуецца некалькімі сказамі.
Уладзімір Някляеў: “Я б ім сказаў: “Людзі! Мы нарэшце ўдыхнулі волі. Дык удыхніце яе на ўсе грудзі і зразумейце, што гэта такое. З воляй вас, дарагія беларусы!”
А вось самы галоўны сярод астатніх прэтэндэнтаў абаронца жывёл намеснік старшыні партыі “Зялёныя” Юрый Глушакоў навагоднюю прамову прысвеціць абароне людзей.
Юрый Глушакоў: “Пажадаю, каб не шмат пілі. Гэта найперш. А па-другое — усяго найлепшага. Што яшчэ казаць! Надзей на лепшую будучыню”.
Еўрарадыё: “І што, ні слова ў абарону жывёл?!”
Юрый Глушакоў: “О! Божа мой! Я сказаў тое, што скажу найперш. А абарона павінна быць — і жывёл, і раслін”.
Эканаміст Яраслаў Раманчук паабяцаў, што, каб не псаваць людзям апетыт, не будзе казаць пра макраэканамічную стабілізацыю. І выдаў спрошчаную версію лекцыі па палітэканоміцы для пачаткоўцаў.
Яраслаў Раманчук: “Скажу пра тое, што Беларусь вярнулася на шлях дэмакратызацыі, на шлях, які вядзе да еўрапейскіх стандартаў і каштоўнасцяў. На шлях, калі ў нас будзе значна больш справядлівасці, адказнасці. Шлях, які давядзе Беларусь да трыццаткі найбольш заможных краін свету. І трэба гэта рабіць не пры дапамозе прэзідэнта, а пры дапамозе грамадства, якое будзе значна больш актыўным у правядзенне рэформаў”.
Віталь Рымашэўскі да пытання Еўрарадыё аказаўся не гатовым. Маўляў, новы прэзідэнт сваё віншаванне скажа толькі напярэдадні 2012 года.
Віталь Рымашэўскі: “Першае віншаванне будзе залежаць ад таго, як мы пражывем першыя два тыдні. Таму ўсё будзе залежаць ад той сітуацыі, у якой будзе знаходзіцца краіна і беларускі народ”.
Ад эканамічнай, палітычнай і сацыяльнай сітуацыі ў краіне будзе, паводле словаў Алеся Міхалевіча, залежаць і змест яго навагодняй прамовы.
А лідар ЛДПБ Сяргей Гайдукевіч увогуле адмовіўся абмяркоўваць гэтае пытанне.
Сяргей Гайдукевіч: “Мне не да песень у інтэрнэце, я такі прыземлены мужык! Мне трэба народ падрыхтаваць, выступіць добра. Мне трэба, каб людзі мне паверылі. Мяне ведаюць усе, уся краіна!”
Нядоўга, але з грунтоўна падрыхтаванай прамовай паабяцаў выступіць з тэлеэкрана намеснік старшыні Партыі БНФ Рыгор Кастусёў.
Рыгор Кастусёў: “Я не буду казаць доўга, але асноўныя тэзісы я ўсё ж скажу. Яны будуць тычыцца новых падыходаў у эканоміцы, у палітыцы, у знешняй палітыцы Беларусі. А самае галоўнае, зразумела, гэта віншаванні з Новым годам! Для людзей гэта свята”.
Са словамі пра свабоду выступіць у навагоднюю ноч і палітаглядальнік “Народнай волі” Андрэй Саннікаў.
Андрэй Саннікаў: “Я б, найперш, павіншаваў з Новым годам і новай краінай. Гарантаваў бы, што мы будзем жыць вольна, свабодна, паважаць годнасць кожнага чалавека і яго правы. І будзем рухацца да заможнай еўрапейскай краіны”.
Але самым арыгінальным абяцае стаць віншаванне з Новым годам ад старшыні савета Асацыяцыі малога і сярэдняга бізнесу Віктара Цярэшчанкі.
Віктар Цярэшчанка:“Пазычу ўсім вярнуцца да таго, што праца — гэта галоўнае: сумленнае стаўленне да працы. Пажадаю, каб знялася сацыяльная напружанасць, каб быў давер да выканаўчай улады. І, безумоўна, усім здароўя, дабрабыту не толькі на новы каляндарны год, але і як мінімум на 5 гадоў”.
І дадаў, што ў такі момант даваць невыканальных абяцанняў народу нельга. Да прыкладу, што заробкі вырастуць альбо што дэфолту не будзе.
Лідар кампаніі “Гавары праўду!” Уладзімір Някляеў кажа, што надоўга адцягваць увагу людзей ад святочнага стала не будзе. І прамова яго абмяжуецца некалькімі сказамі.
Уладзімір Някляеў: “Я б ім сказаў: “Людзі! Мы нарэшце ўдыхнулі волі. Дык удыхніце яе на ўсе грудзі і зразумейце, што гэта такое. З воляй вас, дарагія беларусы!”
А вось самы галоўны сярод астатніх прэтэндэнтаў абаронца жывёл намеснік старшыні партыі “Зялёныя” Юрый Глушакоў навагоднюю прамову прысвеціць абароне людзей.
Юрый Глушакоў: “Пажадаю, каб не шмат пілі. Гэта найперш. А па-другое — усяго найлепшага. Што яшчэ казаць! Надзей на лепшую будучыню”.
Еўрарадыё: “І што, ні слова ў абарону жывёл?!”
Юрый Глушакоў: “О! Божа мой! Я сказаў тое, што скажу найперш. А абарона павінна быць — і жывёл, і раслін”.
Эканаміст Яраслаў Раманчук паабяцаў, што, каб не псаваць людзям апетыт, не будзе казаць пра макраэканамічную стабілізацыю. І выдаў спрошчаную версію лекцыі па палітэканоміцы для пачаткоўцаў.
Яраслаў Раманчук: “Скажу пра тое, што Беларусь вярнулася на шлях дэмакратызацыі, на шлях, які вядзе да еўрапейскіх стандартаў і каштоўнасцяў. На шлях, калі ў нас будзе значна больш справядлівасці, адказнасці. Шлях, які давядзе Беларусь да трыццаткі найбольш заможных краін свету. І трэба гэта рабіць не пры дапамозе прэзідэнта, а пры дапамозе грамадства, якое будзе значна больш актыўным у правядзенне рэформаў”.
Віталь Рымашэўскі да пытання Еўрарадыё аказаўся не гатовым. Маўляў, новы прэзідэнт сваё віншаванне скажа толькі напярэдадні 2012 года.
Віталь Рымашэўскі: “Першае віншаванне будзе залежаць ад таго, як мы пражывем першыя два тыдні. Таму ўсё будзе залежаць ад той сітуацыі, у якой будзе знаходзіцца краіна і беларускі народ”.
Ад эканамічнай, палітычнай і сацыяльнай сітуацыі ў краіне будзе, паводле словаў Алеся Міхалевіча, залежаць і змест яго навагодняй прамовы.
А лідар ЛДПБ Сяргей Гайдукевіч увогуле адмовіўся абмяркоўваць гэтае пытанне.
Сяргей Гайдукевіч: “Мне не да песень у інтэрнэце, я такі прыземлены мужык! Мне трэба народ падрыхтаваць, выступіць добра. Мне трэба, каб людзі мне паверылі. Мяне ведаюць усе, уся краіна!”
Нядоўга, але з грунтоўна падрыхтаванай прамовай паабяцаў выступіць з тэлеэкрана намеснік старшыні Партыі БНФ Рыгор Кастусёў.
Рыгор Кастусёў: “Я не буду казаць доўга, але асноўныя тэзісы я ўсё ж скажу. Яны будуць тычыцца новых падыходаў у эканоміцы, у палітыцы, у знешняй палітыцы Беларусі. А самае галоўнае, зразумела, гэта віншаванні з Новым годам! Для людзей гэта свята”.
Са словамі пра свабоду выступіць у навагоднюю ноч і палітаглядальнік “Народнай волі” Андрэй Саннікаў.
Андрэй Саннікаў: “Я б, найперш, павіншаваў з Новым годам і новай краінай. Гарантаваў бы, што мы будзем жыць вольна, свабодна, паважаць годнасць кожнага чалавека і яго правы. І будзем рухацца да заможнай еўрапейскай краіны”.
Але самым арыгінальным абяцае стаць віншаванне з Новым годам ад старшыні савета Асацыяцыі малога і сярэдняга бізнесу Віктара Цярэшчанкі.
Віктар Цярэшчанка:“Пазычу ўсім вярнуцца да таго, што праца — гэта галоўнае: сумленнае стаўленне да працы. Пажадаю, каб знялася сацыяльная напружанасць, каб быў давер да выканаўчай улады. І, безумоўна, усім здароўя, дабрабыту не толькі на новы каляндарны год, але і як мінімум на 5 гадоў”.
І дадаў, што ў такі момант даваць невыканальных абяцанняў народу нельга. Да прыкладу, што заробкі вырастуць альбо што дэфолту не будзе.
