Стала вядома, дзе пройдзе фінал футбольнага Кубка Беларусі

Стала вядома, дзе пройдзе фінал футбольнага Кубка Беларусі. Выканкам Беларускай федэрацыі футбола вырашыў, што гэта будзе гомельскі стадыён "Цэнтральны". Фінал прызначаны на нядзелю, 23 траўня. У 2015-м менавіта там БАТЭ ў фінале кубка абыграў салігорскі "Шахцёр" (4:1).

У федэрацыі адзначаюць, што выбар Гомеля невыпадковы — сёлета беларускаму футболу спаўняецца 110 гадоў, а менавіта ў гэтым горадзе была створана першая футбольная каманда.

Хто сустрэнецца ў фінале, стане вядома пазней — яшчэ не згуляны чвэрцьфінальныя матчы. У іх будуць гуляць "Тарпеда-БелАЗ" і "Арсенал", БАТЭ і "Віцебск", "Мінск" і "Іслач", "Шахцёр" і "Нёман".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.