Стала вядома, каго не закране новы падатак на кватэры

У Міністэрстве фінансаў патлумачылі, хто не будзе плаціць новы падатак на кватэру. 

Як паведамлялася раней, гэты падатак на нерухомасць з’явіцца з 2022 года. Пад яго трапяць усе ўладальнікі кватэр, нават калі гэта адзіная кватэра. 

Ад выплаты падатку будуць вызваленыя наступныя катэгорыі грамадзян:

— пенсіянеры, 
— недзеяздольныя грамадзяне, 
— інваліды 1-й і 2-й групы, 
— непаўналетнія дзеці, 
— члены шматдзетных сем’яў, 
— вайскоўцы тэрміновай службы і тыя, хто праходзяць альтэрнатыўную службу, а таксама ўдзельнікі Вялікай Айчыннай вайны. 

Сума новага падатку, як удакладняе БЕЛТА, будзе фарміравацца на аснове разліковага кошту 1 квадратнага метра тыпавога капітальнага будынка на 1 студзеня, агульнай плошчы жылога памяшкання і стаўкі падатку ў памеры 0,1%.

Для тых, хто мае больш за адну кватэру, адпаведны падатак дзейнічаў і раней — у разліку 0,2% ад стаўкі падатку.