Стала вядома, калі грып атакуе беларусаў
Стала вядома, калі грып атакуе беларусаў. Адбудзецца гэта ў канцы студзеня — у пачатку лютага 2018 года, паведаміла газеце "СБ. Беларусь сегодня" галоўны эпідэміёлаг Міністэрства аховы здароўя Інна Карабан. Паводле яе слоў, на сённяшні дзень у нашай краіне ўзровень захворванняў на вострыя рэспіраторныя інфекцыі знаходзіцца на неэпідэмічным узроўні. Больш таго, ён ніжэйшы на 4% узроўня, які быў зафіксаваны ў аналагічны перыяд 2016 года.
Пакуль цыркулююць пераважна негрыпозныя вірусы. Медыкі прагназуюць, што зімой 2018-га ўзровень захворванняў на грып будзе сярэдняй ці нават нізкай інтэнсіўнасці. Яны звяртаюць увагу на той факт, што вакцынацыю прайшло больш за 40% насельніцтва Беларусі.
