Стала вядомае імя беларускага альпініста, які загінуў на Эльбрусе
![Мікалай Ермашоў](/sites/default/files/styles/gallery_main/public/2023-09/jermaszou-1309.jpg.webp?itok=_aAT2Td5)
Мікалай Ермашоў / прэс-служба Федэрацыі баскетбола
Стала вядома, што на Эльбрусе разбіўся Мікалай Ермашоў, старшыня тэхнічнага камітэта Беларускай федэрацыі баскетбола 3х3.
Ермашоў стаяў ла вытокаў развіцця баскетбола 3х3 у Беларусі. Ён ладзіў першы моладзевы чэмпіянат Еўропы па баскетболе 3х3 у Мінску ў 2015 годзе.
Акурат сёння яму б споўнілася 40 гадоў.
Як распавядала Еўрарадыё, трагедыя адбылася напярэдадні. Ермашоў падымаўся на Эльбрус у складзе незарэгістраванай групы. На вышыні 5400 метраў ён сарваўся згары і разбіўся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.