Стаў вядомы самы высокааплатны акцёр 2018 года
Стаў вядомы самы высокааплатны акцёр 2018 года. Па версіі часопіса Forbes, гэта — Джордж Клуні, які з чэрвеня 2017-га зарабіў 239 мільёнаў долараў (з улікам продажу кампаніі па вытворчасці тэкілы). Летась першае месца ў рэйтынгу было ў акцёра Марка Уолберга, гадавы даход якога склаў $68 млн.
Сёлета ў пяцёрку найбольш высокааплатных акцёраў таксама ўвайшлі Дуэйн "Скала" Джонсан — 124 млн долараў, Роберт Даўні-малодшы — 81 млн долараў, Крыс Хемсварт — 64,5 млн долараў, Джэкі Чан — $45,5 млн.
