Столінскія браканьеры лавілі рыбу, а злавілі крымінальную справу

У Столінскім раёне старшы інспектар аховы жывёльнага і расліннага свету падчас кантрольнай паездкі на Прыпяць нечакана выявіў браканьераў, інфармуе прэс-служба УУС Брэсцкага аблвыканкама.

Інспектар ехаў на машыне па лясной дарозе, калі звярнуў увагу на воз, у якім ехалі чатыры мужчыны. Пры з'яўленні інспектара воз паехаў у лес. Інспектар жа западозрыў няладнае і вырашыў дачакацца вяртання "ўцекачоў".

Праз гадзіну воз выехаў з лесу, але ў ім былі толькі два мужчыны ў мокрай вопратцы. Таксама побач з імі ляжалі яшчэ некалькі мокрых рэчаў. На пытанні інспектара мужчыны адказвалі няўцямна. Яны паведамілі, што адпачывалі з кампаніяй сяброў у лесе на беразе ракі ды выпівалі. Пра мокрую вопратку патлумачыць нічога не змаглі. 

Інспектар выклікаў міліцыю. За некалькіх метрах ад воза, у лесе, праваахоўнікі знайшлі два мяхі. У адным была рыба, у другім — рыбалоўныя сеткі.

Браканьерам выявіліся 50- і 58-гадовы жыхары вёскі Вялікія Арлы. Карыстаючыся забароненымі прыладамі лоўлі, яны вылавілі 76 рыбін. Шкода навакольнаму асяроддзю ацэньваецца больш як на 4300 рублёў.

На мужчын пачалі крымінальную справу за незаконную здабычу рыбы або іншых водных жывёл. Самі зламыснікі затрыманыя.