Сын Кадафі не змог зарэгістравацца кандыдатам на выбарах прэзідэнта ў Лівіі
Сейф аль-Іслама Кадафі / afrique.latribune.fr
Вярхоўная выбарчая камісія Лівіі адхіліла заяўку Сейфа аль-Іслама Кадафі на ўдзел у прэзідэнцкіх выбарах, паведамляе РІА "Новости" са спасылкай на заяву камісіі.
Сын экс-кіраўніка Лівіі Муамара Кадафі спрабаваў зарэгістравацца як кандыдат на выбарах у горадзе Сабха на паўднёвым захадзе краіны. Прычынай адмовы ў рэгістрацыі ВВК назвала акцыі пратэсту, якія супраць кандыдатуры Сейфа аль-Іслама Кадафі правялі жыхары трох гарадоў краіны.
Пасля забойства бацькі 10 гадоў таму Сейф аль-Іслам Кадафі правёў 6 гадоў у лівійскай турме, два яго браты былі забітыя паўстанцамі. У дачыненні да Сейфа аль-Іслама працягвае дзейнічаць ордар на арышт, які Міжнародны крымінальны суд выдаў яшчэ ў 2011 годзе.
Выбары кіраўніка дзяржавы пройдуць у Лівіі 24 снежня.
