Трывога ў Маскве: ЗША накіроўваюць у Чорнае мора "дадатковыя рэсурсы"
Прадстаўнік Белага дома Джош Эрнэст на брыфінгу згадаў пра тое, якія робіць захады Вашынгтон у адказ на дзеянні Расіі ў Крыме.
Паводле яго слоў, у краіны Балтыі для патрулявання накіравалі 6 знішчальнікаў F-15s, а ў Польшчу — 12 самалётаў F-16 "для садзейнічання ў абароне". Эсмінец Truxtun працягнуў сваё знаходжанне ў Чорным моры.
Джош Эрнэст таксама паведаміў, што ў гэты рэгіён ваенна-марскімі сіламі ЗША накіроўваюцца "дадатковыя рэсурсы". Ён не ўдакладніў, што маецца на ўвазе, адзначае РІА "Новости". Нельга выключыць, што ў Чорнае мора накіроўваецца яшчэ адзін амерыканскі карабель ці караблі.
Фота — Reuters
