У аэрапорце праверылі чамадан турыста, а там — 45 кг камянёў і пяску

У аэрапорце італьянскага горада Кальяры затрымалі турыста, у чамадане якога знайшлі 45 кг камянёў і пяску, інфармуе sardiniapost.it. Ён сабраў іх на пляжах Сардыніі. А збіраць там беласнежны пясок забаронена, паколькі без яго глебе на востраве пагражае эрозія.

Цікава, што мужчына паспеў заплаціць за перавышэнне дапушчальнай вагі багажу. Аднак пільныя супрацоўнікі аэрапорта яго праверылі. Злодзеем аказаўся італьянец, які прыляцеў з іншага рэгіёна краіны. Яго найхутчэй аштрафуюць.