У акупаванай Макееўцы гарэла нафтабаза
![Інфармацыя аб пажары паступіла ў 3 гадзіны ночы / @mchs_dnr](/sites/default/files/styles/gallery_main/public/2023-08/makeevka_21.11.jpg.webp?itok=bJ-nmRZC)
Інфармацыя аб пажары паступіла ў 3 гадзіны ночы / @mchs_dnr
Ноччу і раніцай у акупаванай Макееўцы Данецкай вобласці гарэла нафтабаза. Паводле расійскіх дадзеных, пажар узнік праз "траплянне выбухованебяспечнага прадмета".
Гарэлі дзве цыстэрны з палівам аб'ёмам 70 м3, якія знаходзіліся на пуцях за тэрыторыяй нафтабазы, а таксама тры стацыянарныя ёмістасці аб'ёмам 60 м3, якія знаходзіліся ў 20-25 м ад чыгуначнага палатна. Пра гэта расказалі ў МНС так званай ДНР.
Інфармацыя пра узгаранне паступіла ў раёне 3 гадзінаў ночы. Каля 10 гадзінаў мясцовыя ратавальнікі паведамілі аб ліквідацыі ўзгарання.
Напярэдадні прэзідэнт Украіны Уладзімір Зяленскі казаў, што ў Данецкай вобласці цяпер ідуць самыя цяжкія баі. Са жніўня, калі УСУ пачалі контрнаступленне, у Данецкай вобласці былі вызваленыя 40 населеных пунктаў, нагадвае УНІАН.
![В оккупированной Макеевке горела нефтебаза](/sites/default/files/styles/default_image_paragraph/public/paragraphs/image/makeevka_21.11_2.jpg.webp?itok=YMcRVnVw)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.