У Беларусі забаранілі некалькі відаў папулярных пральных сродкаў
Дзяржстандарт забараніў продаж у Беларусі некалькіх папулярных мыйных сродкаў. Іх павінныя прыбраць з крамаў.
Як паведамляе прэс-служба ведамства, прычына забароны — павышанае пенаўтварэне, бо гэта можа прывесці да паломкі пральнай машыны.
Гаворка ідзе пра гелі "Ушастый нянь" (для дзіцячай бялізны) і "SОRTI. Пятна нет", а таксама парашок "Tide Аўтамат Яркія Колеры". Ва ўсіх іх паказчык пенаўтварэння пры норме не больш за 180 мм паказаў 200 мм і вышэй.
Дзяржстандарт забараніў увоз і продаж гэтай прадукцыі.
