У Беларусі затрымалі прарасійскага актывіста Арцёма Агафонава
![Арцём Агафонаў](/sites/default/files/styles/gallery_main/public/2024-08/aag.jpg.webp?itok=-Kz_joxc)
Арцём Агафонаў / vk.com
У Беларусі затрымалі прарасійскага актывіста Арцёма Агафонава. Пра гэта паведаміла Эльвіра Мірсалімава, яго ідэйная паплечніца, якая таксама пабывала за кратамі і заплаціла вялікі штраф. Па яе звестках, на Агафонава напісалі данос і яму пагражае адміністрацыйны арышт.
За што менавіта затрымалі Арцёма Агафонава, Мірсалімава не паведаміла. Аднак актывіст Дзмітрый Карняенка змясціў у Facebook дакумент, які атрымаў з магілёўскай міліцыі ў адказ на электронны зварот. Тыдзень таму міліцыя паведамляла, што правяла праверку і знайшла на старонцы Агафонава ў Facebook "прыкметы адміністрацыйнага правапарушэння". Гэта "распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў".
Арцём Агафонаў называў сябе кіраўніком прарасійскага руху “Гражданское согласие”. Адзначыўся змаганнем супраць беларускай мовы.
![У Беларусі затрымалі прарасійскага актывіста Арцёма Агафонава](/sites/default/files/styles/default_image_paragraph/public/paragraphs/image/457231150_8271635959560753_1155552814266337191_n.jpg.webp?itok=u-J1ykDt)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.