У "Белтаможсэрвісе" прызначылі новага дырэктара
На прадпрыемстве "Белтаможсэрвіс" прызначылі новага генеральнага дырэктара. Як адзначаецца на сайце арганізацыі, у адпаведнасці з загадам № 346-К старшыні Дзяржаўнага мытнага камітэта ад 14 чэрвеня 2019 года, пасаду кіраўніка прадпрыемства заняў Бабарыкін Вадзім Аляксандравіч.
Раней Бабарыкін ачольваў ААІ "Гандлёвы дом АМКАДОР-Агра".
У лютым гэтага года ў структурах, звязаных з "Белтаможсэрвісам", адбыліся масавыя затрыманні. У поле зроку спецслужбаў і праваахоўнікаў трапіў і тагачасны гендырэктар Юрый Кароль.
Два гады таму ў расійскіх СМІ публікавалас інфармацыя пра буйныя пастаўкі санкцыённай прадукцыі, якімі, паводле неназваных крыніцаў, займаўся і "Белтаможсэрвіс".
Прадпрыемства аказвае лагістычныя паслугі, у тым ліку займаецца складской апрацоўкай і мытным афармленнем тавараў, міжнароднымі перавозкамі грузаў.
