У Брэсце знялі з цягніка і затрымалі Уладзіміра Някляева, які вяртаўся з Польшчы

У Брэсце а 2-й гадзіне ночы знялі з цягніка і затрымалі Уладзіміра Някляева, які вяртаўся з Польшчы. Пра гэта ў Facebook напісаў Алесь Ліпай, дырэктар інфармацыйнага агенцтва БелаПАН. Такім чынам, апазіцыйнага палітыка "нейтралізавалі" ў дзень, калі ў краіне пройдуць вулічныя акцыі. Як вядома, учора ў чарговы раз у Ленінскім судзе сталіцы не пачаўся працэс над ім за вулічную акцыю 17 лютага, паколькі Някляеў адсутнічаў. Чакаецца, што палітыка прывязуць у Мінск.