У Гомелі на святкаванні Купалля спалілі крыж (фота)

У Гомелі ў Савецкім раёне на святкаванні Купалля спалілі... крыж. Пра гэта сведчыць фотарэпартаж, які з'явіўся на сайце newsgomel.by. За спаленнем галоўнага хрысціянскага сімвалу назіраў вялізны натоўп людзей, які стаяў вакол вогнішча. Яны, дарэчы, і не падазравалі, што гарыць крыж. Спачатку гарэла "лялька Мара", але калі агонь знішчыў тканіну, усе пабачылі драўляную канструкцыю, выкананую ў выглядзе крыжа.