У Іспаніі ў выніку выбуху газу пацярпелі больш за 70 чалавек
Па меншай меры 77 чалавек атрымалі раненні ў выніку выбуху газавага балона ў рэстаране ў іспанскім горадзе Малага. Пяць чалавек атрымалі сур'ёзныя раненні, іх шпіталізавалі ў бальніцу. Некаторыя знаходзяцца ў цяжкім стане, паведамляе Reuters.
Выбух адбыўся 1 кастрычніка каля сямі гадзін вечара. Рэстаран і прылеглыя вуліцы ў цэнтры былі запоўненыя людзьмі, якія ўдзельнічалі ў штогадовым гастранамічным свяце Сан Мігель.
Наступствы інцыдэнту маглі быць нашмат горшымі, калі б кухарка не заўважыла агонь на кухні, пасля чаго была эвакуявана ўся ўстанова.
Al menos 77 heridos tras una explosión en una cafetería de Vélez-Málaga https://t.co/iJV1MZ75fm pic.twitter.com/KMSHzJ7jlK
— La Razón (@larazon_es) 1 октября 2016 г.
