У Калузе адбыўся інцыдэнт з прыватным беларускім самалётам

У аэрапорце расійскай Калугі адбыўся інцыдэнт з самалётам з беларускага Магілёва, пішуць расійскія тг-каналы.

Прыватны самалёт-амфібія Л-145 выкаціўся за межы ўзлётна-пасадачнай паласы. У выніку інцыдэнту праца аэрапорта была заблакаваная на дзве гадзіны.

Паведамляецца, што самалёт ляцеў з Беларусі. На яго борце былі чатыры чалавекі: пілот, штурман і два пасажыры. Усе яны грамадзяне Беларусі.

Пацярпелых у выніку інцыдэнту няма.