У "камісію па вяртанні" прыйшоў першы зварот
Генпракуратура / sb.by
У камісію па вяртанні беларусаў, якія выехалі за мяжу, першы зварот, паведаміла прадстаўніца Генпракуратуры Анжаліка Курчак.
"Першай напісала 35-гадовая мінчанка, якая з'ехала за мяжу ў кастрычніку 2020 года. Яна не паведаміла пра ўчыненыя правапарушэнні або злачынствы, а выказала толькі асцярогі з-за яе магчымай датычнасці да якіх-небудзь супрацьпраўных дзеянняў", — заявіла Курчак.
Яна дадала, што жанчына не ўказала іншыя звесткі, неабходныя пры звароце, таму разглядаць яго пакуль што не будуць — пачакаюць, каб аўтарка звароту дапоўніла яго.
У Беларусі, як вядома, стварылі дзяржаўную камісію, якая будзе разглядаць звароты палітуцекачоў, якія хочуць вярнуцца на радзіму. У яе ўвашлі сілавікі і прапагандысты. Узначальвае яе генпракурор Андрэй Швед.
Ахвочым прапаноўваюць напісаць зварот, пакаяцца і, магчыма, кампенсаваць прычыненую шкоду ці панесці пакаранне.
Як паведаміў "Белсат", ліст у "камісію Шведа" напісала іх супрацоўніца Вольга Ярохіна. Прычым яна адзначыла, што не бачыць прычынаў у чымсьці раскайвацца.
