У Кітаі рак уцёк з рондаля на кухні рэстарацыі — яго пакінулі жыць (відэа)
У Кітаі рак уцёк з рондаля на кухні рэстарацыі. Відэа гэтага незвычайнага здарэння трапіла ў Фэйсбук і набрала амаль мільён праглядаў. Як бачна з роліка, левая клешня рака ўжо была ў рондалі з кіпнем. Тады адчайная жывёла адрэзала яе правай клешняй і такім чынам вызвалілася.
Карыстальнік Jiuke, які апублікаваў відэа ў кітайскай сацыяльнай сетцы Weibo, пазней заявіў, што ўзяў рака ў якасці хатняга гадаванца.
Тым, каго турбуе здароўе рака, не варта хвалявацца: за тры-чатыры гады ў яго адрасце новая клешня, перадае ВВС.
