У мінскім Палацы моладзі новая дырэктарка — чыноўніца з гарвыканкама
![У мінскім Палацы моладзі новая дырэктарка — чыноўніца з гарвыканкама](/sites/default/files/styles/gallery_main/public/2023-08/nvia.png.webp?itok=xFMhgUqD)
У Мінскім дзяржаўным палацы дзяцей і моладзі новая дырэктарка — чыноўніца з гарвыканкама Надзея Вялікая. Раней яна працавала ў камітэце па адукацыі ў аддзеле ідэалагічнай і выхавальнай працы (спецыялістам, намеснікам начальніка).
З мінулай дырэктаркай Ганнай Аверынай "не працягнулі кантракт". Мяркуецца, што прычынаў было некалькі. Гэта і "ды-джэі перамен", якія летась там працавалі (Кірыл Галанаў і Уладзь Сакалоўскі ўключылі песню Віктара Цоя "Перамен" на афіцыйным мерапрыемстве ў Кіеўскім скверы 6 жніўня 2020-га), і адзін страйковец, і фінансавыя паказчыкі ўстановы.
![У мінскім Палацы моладзі новая дырэктарка — чыноўніца з гарвыканкама](/sites/default/files/paragraphs/image/0000231591025128393085big.jpg)
Ганна Аверына / БЕЛТА
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.