У нацпарку "Прыпяцкі" знайшлі рэдкі для Беларусі грыб
Грыб падобны на галінкі карала / npp.by
У нацпарку "Прыпяцкі" на тэрыторыі Пяроўскага лясніцтва знайшлі рэдкі для Беларусі грыб. Ён вонкава нагадвае марскі карал. Гэта яжовік каралападобны (Hericium coralloides), які ўключаны ў Чырвоную кнігу Беларусі. Звычайна расце на адмерлай драўніне ліставых парод дрэў.
"Пладовае цела [грыба] незвычайнай формы і падобнае на галінкі карала, — адзначаюць у нацпарку. — Маладыя пладовыя целы вылучаюцца на фоне дрэў сваёй белай афарбоўкай".
Грыб знайшлі на тэрыторыі экасцежкі, якая яшчэ будуецца.
У верасні ў Белавежскай пушчы знайшлі рэдкі грыб, падобны на вадаспад.
