У Пінскім раёне зачыняць 14 аддзяленняў паштовай сувязі
Пра такую магчымасць газеце “Пінскі веснік” заявіў намеснік начальніка Пінскага раённага вузла паштовай сувязі Аляксандр Парчук.
Рэч у тым, што насельніцтва большасці вёсак імкліва скарачаецца — утрымліваць стацыянарныя аддзелы становіцца нерэнтабельным. Месца зачыненых аддзяленняў зоймуць перасовачныя — своеасаблівыя паштовыя офісы на базе грузавікоў. Яны будуць аб’язджаць пінскія вёскі і прадстаўляць увесь спектр паслуг стацыянараў.
На сёння на тэрыторыі Піншчыны ўжо дзейнічае пяць перасовачных паштовых офісаў. Яны абслугоўваюць 27% населенных пунктаў раёна.
