У Пінску кіроўца ўдарыў міліцыянера і спрабаваў уцячы
У Пінску кіроўца ўдарыў міліцыянера і спрабаваў уцячы. 45-гадовы мужчына затрыманы і знаходзіцца ў следчым ізалятары. Як інфармуе ў Telegram прэс-служба МУС, здарэнне адбылося ў нядзелю. Нейкія грамадзяне патэлефанавалі ў міліцыю і распавялі, што на Mercedes-Benz, магчыма, едзе п'яны кіроўца. Супрацоўнікі Дэпартамента аховы спынілі машыну. У кіроўцы былі "прыкметныя прыкметы алкагольнага ап'янення".
На медасведчанне кіроўца ехаць не захацеў. У час, калі міліцыянер складаў адміністрацыйныя пратаколы, мужчына яго ўдарыў і паспрабаваў уцячы. Аднак праваахоўнік яго затрымаў і выклікаў на месца следча-аператыўную групу. Высветлілася, што аўтамабіль затрыманаму не належыць, гаспадар пакідаў яго каля гаража на тэрыторыі гаражнага кааператыву. У дачыненні да пінчука распачалі крымінальныя справы — за гвалт у дачыненні міліцыянера і за ўгон аўтамабіля.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
