У пятніцу ў Беларусі чакаюцца мокры снег і дождж
12 лютага ўначы часам, а днём у многіх раёнах Беларусі чакаюцца невялікія кароткачасовыя ападкі — мокры снег і дождж. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Па словах сіноптыкаў, чакаецца воблачнае з праясненнямі надвор'е, на некаторых участках дарог утворыцца галалёдзіца. Вецер прагназуецца паўднёвы 5-10 метраў за секунду. Уначы месцамі ў паўночна-ўсходніх раёнах парывы могуць дасягаць 15-18 метраў за секунду.
Тэмпература паветра ўначы чакаецца ад -2 да +3 градусаў. Удзень чакаецца ад нуля да 6 градусаў са знакам плюс.