У Расію не прапусцілі 13 тон беларускай салёнай салакі
Супрацоўнікі Рассельгаснагляду не прапусцілі ў Пскоўскую вобласць Расіі 12,9 тоны салёнай неразабранай салакі, вырабленай у Беларусі, паведамляе informpskov.ru. Прадукцыю везлі ў Санкт-Пецярбург.
Падчас ветэрынарнага кантролю выявіўся нездавальняючы санітарны стан грузавога адсека машыны. На яго падлозе праверка пабачыла лужы, якія па арганалептычных паказчыках нагадвалі тузлук (салёны раствор для рыбы).
Груз вярнулі ў Беларусь.
