У сераду ў Беларусі чакаецца да 10 цяпла, дождж, моцны вецер

У сераду, 10 лютага, амаль па ўсёй Беларусі прагназуецца дождж, месцамі — мокры снег. Уначы на захадзе нашай краіны магчымае ўзмацненне ветру з парывамі да 15-20 метраў за секунду. Раніцай і ўдзень гэта будзе адбывацца практычна па ўсёй Беларусі.

У начныя гадзіны чакаецца ад 0 да 6 градусаў вышэй за нуль, у дзённыя — 3-8 цяпла, у Брэсцкай вобласці — да 10 градусаў са знакам плюс, інфармуе БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.