У Свіслацкім раёне загінуў памежнік, прызваны на службу ў красавіку
Салдат / ferra.ru, ілюстрацыйны здымак
Цела яшчэ аднаго вайскоўца з прыкметамі суіцыду знайшлі ўначы 4 жніўня каля памежнай заставы "Тушэмля", паведамляе Гродзенская памежная група.
Гаворыцца, што гэта шараговец 2002 года нараджэння. На службу яго прызвалі сёлета ў красавіку. Служыў ён у Гродзенскай памежнай групе.
"Прычыны трагедыі высвятляюцца следча-аператыўнай групай, якая прыбыла на месца выяўлення трупа", — заяўляюць памежнікі.
Як распавядала Еўрарадыё, сёння стала вядома, што на мінулым тыдні застрэліўся вайсковец тэрміновай службы ў 72-м навучальным цэнтры ў Печах Мінскай вобласці.
