Удзельнік мітынгу за Лукашэнку ў Мінску — расіянін, які нападаў на Навальнага

На плошчы Перамогі ў Мінску ўвечары 10 верасня адбыўся мітынг прыхільнікаў Аляксандра Лукашэнкі. Яго ўдзельнікі трымалі афіцыйныя сцягі Беларусі, а таксама сцягі СССР і НОД ("Нацыянальна-вызвольнага руху" — расійскай арганізацыі, якая выступае за аднаўленне межаў СССР). Еўрарадыё вяло стрым з гэтага сходу.

Пасля мітынгу на плочы Перамогі ўдзельнікі акцыі прайшлі па праспекце Незалежнасці. 

У адным з удзельнікаў мітынгу апазналі расіяніна Аляксея Кулакова — удзельніка нападу на расійскага апазіцыянера Аляксея Навальнага ў 2017 годзе, піша вядомы блогер Рустэм Адагамаў. Тады Навальнаму ў твар плюхнулі зялёнкай. 

Кулакоў вядомы, як удзельнік расійскай нацыяналістычнай групы "SERB". Упершыню яна праявіла сябе ва Украіне ў 2014 годзе, змагаючыся з Еўрамайданам, а потым перабралася ў Расію. дзе змагаецца з антыпуцінскай апазіцыяй.