Украіна і Малдова атрымалі статус краін-кандыдатаў на ўступленне ў Еўрасаюз
Украіна і Малдова атрымалі статус краін-кандыдатаў на ўступленне ў Еўрасаюз. Такое рашэнне было прынята 23 чэрвеня на саміце ЕС у Бруселі. У Еўрасаюзе падкрэсліваюць, што гэта "магутны палітычны сігнал", выказванне падтрымкі таму ж Кіеву, які стрымлівае агрэсію Расіі. І папярэджваюць, што "шлях у ЕС можа быць доўгім".
Статус кандыдата патрабуе ад яго ўладальніка гарманізацыі нацыянальнага заканадаўства з агульнаеўрапейскім. Ад той жа Украіны чакаюцца рэформы, узмацненне барацьбы з карупцыяй, дэалігархізацыя і г. д.
Акрамя Украіны і Малдовы заяўку падавала і Грузія. Але ёй толькі паабяцана еўрапейская перспектыва, патрабуецца выкананне шэрагу ўмоў.
Раней Еўрапарламент большасцю галасоў падтрымаў наданне Украіне і Малдове статусу кандыдатаў. У рэзалюцыі згадваецца і Беларусь. Там напісана, што большасць беларускага народа, як і народа Украіны, Малдовы і Грузіі, дэманструе “імкненне жыць у свабоднай, суверэннай і дэмакратычнай краіне” і “выступае супраць рэжыму Лукашэнкі, які падтрымліваецца Расіяй”.
The #EUCO decided to recognize the European perspective of Georgia and is ready to grant candidate status once the outstanding priorities are addressed.
— Charles Michel (@CharlesMichel) June 23, 2022
Congratulations to the Georgian people.
A historic moment in EU-Georgia relations: Georgia's future lies within the EU.
